Cheng Nuai 30.25 seng a sak zawh tak Zobawk Community Hall, P. Hrangkhuma Hall ti a vuah chu Pu Joseph Lalhimpuia, HPC Vice Chairman Lunglei chuan a hawng.

Pu Joseph Lalhimpuia chuan kum 4 leh a chanve Sorkar-ah hian Lunglei District in kawng hrang hranga hmasawnna a neihah hian Lunglei Pa ka nih ve angin lawmawm ka ti hle a ni a ti. He hun C. Lalbiakkima, VCP Zobawk kaihhruaiah hian Pu Joseph Lalhimpuia chuan Mizoram hmun hrang hranga Community Hall awm theih nan hian CM hovin hmalak thin a ni a, hetia Zobawkin Hall an nei thei ta pawh hi ramhruaitu te hnenah lawmthu ka sawi a ni a ti. He hunah hian Special Development Initiative Project for Lunglei Dist atana Prime Minister Office-a DPR an thehluh chu Central Ministry 10 chuangin chhanna an rawn pe tawh tih sawiin Sericulture bikah pawh Rs Vbc 2.4 sanction na tur tihfel a ni dawn a, hei hi Zobawk base a ni ang a ti. Zobawkah hian Health Sub Centre sakna tur pawisa dah fel a ni a, Tennis Court pawh siam leh a ni ang a ti. Vawiina Hall hawn tak hi 86x36x24 ft a zau niin Social Edn(RD) atangin Rs Nuai 14.35, MPLAD(LS) atangin Rs 12 lakh leh HPC atangin Rs 4.3 lakh hmuh a ni. P. Hrangkhuma fapa Beiseia pawhin he hall hi thalai ten ramdang dai thei khawpa hmasawnna an neih theih nan a tangkai a duh tih a sawi.