Vawiin chhun dar 12:00 khan District Research Officer’s Office Mamit Venghlun-a Pu H. Laldula Building a mi chu Pu John Rotluangliana, Deputy Speaker, Bialtu MLA chuan khuallian niin a hawng.

Hawnna inkhawm Pu H. Laldula Building Mamit Venghluna neih Pu Saihlira, Director, Economics & Statistics kaihhruaiah thusawiin khuallian Pu John Rotluangliana chuan Mamit a District Research Officer’s Office hawn a ni ta chu lawmawm a tih thusawiin tun kan sawrkar kal lai mekah hian Mamit District hian hma kan sawn hle a ni tiin Mizorama Department hlun leh pawimawh tak mai mitin-in a kan mamawh Mamit District tana chhenfakawm tak tur kan nei ta chu ni chhinchhiah tlak a ni a ti a.

Khuallian Pu John Rotluangliana Deputy Speaker, Bialtu MLA chuan Statistics a dik loh chuan ram kal a siam thei loh a, chutiang taka pawimawh Mamit District in kan nei ve tur hi kan vannei hle a ni. Aizawl chauh a hriat tur a maw kan tih thin kha tun ah chuan hmun leh hmunah kan hre thei tawh dawn a ni tiin tunlai hunah Birth Certificate tel lovin engmah a tih thei tawh lova hun leh tha seng a, Aizawl a kan buaipui thin kha tunah chuan awlsam takin kan nei thei tawh dawn a ni a ti a. DRO’s Office a thawktute pawh neitu thinlung pu a a awm turin leh Mamit khawtlang leh Department hrang hrang te pawhin chhawr tangkai dan kan thiam a kan ta a nih ti hria-a thawhpui turin a sawm bawk a ni.

Pu Lalrikhuma Sailo, Jt Director, Economics & Statistics pawhin Statistics pawimawhna te sawiin Mamit District a District Research Officer’s Office hi kum kalta lama sawrkar-in hawn tura alo phalsak tawh ni mahse duh anga an hawn hma theih loh thu a sawi a, kumin chhungin Serchhipah hawn a ni tawh a, Mamit hi hawn a ni ve leh ta a ni a ti a, District dang Kolasib, Champhai leh Lawngtlai ah te pawh hawn tuma hmalak mek a nih thu a sawi bawk. Tunah chuan kan District pawhin kum khat a kan thil thar chhuah te DRO’s Office kaltlangin kan hre thei tawh dawn a, mahni dinhmun in hriat loh hi hmasawnna daltu a ni a, sawrkar lama atanga zawhna kan dawn te tha taka chhang thin turin District mipui te a sawm bawk a ni.

Pu P.C. Lalthazuala President Joint V/C pawhin Mamit District tan a kan mamawh office pawimawh tak mai DRO office hawn a ni ta chu lawmawm a tih thu a sawi bawk.

District Research Officer’s Office Mamitah hian tun dinhmunah thawktu panga awmin District Research Officer -1, Inspector of Statistics -1, Sub- Inspector of Statistics-1, Field Assistant-1 leh LDC-1 ten an thutchilh dawn a ni.

District Research Officer’s Office hawnna hunah hian Mamit-a Heads of Offices, khawtlang hruaitute an tel tha hle a ni