Vawiin chawhma dar 10:30 khan Health Minister Pu Lalrinliana Sailo chuan Health Minister’s Cancer patients fund BPL te hnenah a sem.

Health Minster remhriatna leh thahnem ngaihna avangin Health Minister’s Cancer Patients Fund hi kum 2009 atang khan BPL Cancer natna tuartute hnen ah pek tan a ni a, Kum 2009 khan mi 131 hnenah nuai sawm pekchhuah a ni a. Kum 2010 ah mi 190 hnenah Rs. 20 lakhs pekchhuah leh a ni a. kum 2011 ah cheng nuai 20 tho pek chhuah niin mi 157 ten an dawng a, kum 2012 khan vawihnih pekchhuah niin mi 258 hnen ah nuai sawmli pekchhuah leh a ni a, tun kum kal mek 2013 hian mi 217 zet hnenah cheng nuai sawmthum zet pekchhuah leh tawh a ni. Kum 2009 atanga vawiin ni thlengin mi 868 hnenah cheng nuai za sawm hnih zet Health Minister Cancer Patients Fund hi BPL te hnen ah pekchhuah tawh a ni. Health Minister chuan Cancer natna hi engemaw chenah inven theih a ni a, heng pawisa te hi hlu viau mahse, damdawiin awm ngailo a, keimahni hriselna theuh kan ngaihpawimawh a tul thu leh ei leh in ah pawh kan taksa tana tha tur chauh kan ei a tul thu sawiin Cancer natna laka kan lo him zawk theih nan Zuk leh hmuan kan chin thin te bansan a tul thu sawiin, mitin te, tihdamna hlu viau mahse, inveng thei kan nih laiin keimahni hriselna theuh veng tha tur a a duh thu a sawi bawk.

Tun hnai ah 13th Finance Commission atangin IMR (Naupiang thi tlem) tih hniamna lama hna kan thawh that avangin incentive grant Rs. 3132 lakhs kan dawn thu sawiin Infant Mortality Rate leh Maternal Mortality Rate ti hniam tur hian kawng hrang hrang in theih tawp a tan lak a ni a, Kum 2009 ah IMR 36, 2010 ah 37, 2011 ah 34 kan tla hniam a, kan population tlem ngaihtuah in mi pakhat thihna avang pawhin IMR hi a sang nasa thei hle thin a ni. Thawktute thawhrimna leh in pekna ah lawmthu sawiin tun atanga kum reilote ah tun ang zela kan kal a kan tan mar pat reng chuan India ram ah pawh entawntlak leh Hriselna dinhmun a duhawm ber kan nih chhoh ngei a beisei tlat thu a sawi.

He Pawisa hi IMR reduction, (Naupiang thi tih tlemna tur) atana hman tur a ni a, hmun kilkhawr zawk a inenkawlna te thuam that leh damdawi lama inenkawlna tha zawk te leh damdawi, hmanrua leh inenkawlna tur building thuam thatna h thu a sawiin tangkai taka hman tur a ni ang a ti.