Tukin zing dar 7:30am vel khan Tuipuibari leh Damparengpui inkar Tuipuibari atanga 2km leh a chanve vela hla kawng thlang feet 50 velah Rajiv Nagar Bus (MST) a accident a,busah hian driver leh conductor tiamin mi 25 an chuang a vanneithlak takin nunna chan an awm lo a, hliam 19 awmin ngaihtuahawm lutuk erawh an awmlo.
Hliamte hi Tuipuibari Sumo 2 in W.Phaileng damdawiin panpui an ni a, hliam zinga 4-te chu X-Ray turin Aizawl lama refer an ni a, mi dang zawng chu first aid pek hnuah haw tir an ni. Hliamte W.Phaileng Damdawiin a first aid pekna senso zawng zawng leh Aizawla refer te phurh chhohna senso hi Pu John Rotluangliana, Minister FCS&CA etc chuan a tumsak bakah hliam na zual 4 te Rs.1000 theuh in a kan bawk.
Tin, accident na hmun atanga W.Phaileng damdawiin panpuina leh hliam na vaklo te an khaw thlenga hruai lehna senso hi Pu Lalvenhima, SDO(C) W.Phaileng chuan a tumsak bawk.
