Nimin khan Multipurpose Hall, Mizoram Polytechnic, Lunglei ah Pu VanlalTlana, President MESA kaihhrauina in Mizoram Engeneering Association Conference vawi 36-na hman a ni a, Pu Zodintluanga, PHE Minister chu khuallian a ni.

Minister chuan thu sawi in kan engeneering dept hrang hrang officer te hian in hnathawh in puangzar tawk lo, sawiselna tuar tu mai ni tawh lovin puangzar ve turin ka duh che u ani. Kum 2008 atang a Pu Lalthanhawla kaihhruai in sawrkarna a chelh atang khan hmasawnna tam tak a lo luh thu a sawi a, chung hmasawnna te chu engeneer rual in theihtawp chhuah a mipui tan a angaihna hria a in beihna rah a ni. Hmun hrang hrang ah in hnathawh infrustructure ropui tak tak sawi tur a tam lai in in puangzar tlem lutuk a ni a ti. Mizoram tlangdung kawngpui a that em em laiin PWD chu hnathawk lo ang ah an dem avang a tan lak a ngaih thu a sawi. P&E Dept hmalakna a ropui tih thu sawi in India ram ah Mizoram chu power nei thaber niin a sawi a, Delhi ah pawh khawlai dawr ah generator an hmang fer fur a keini ram ah zan rei tak thleng in mipui tan in thawk a chuti chung a darkar 3 vel power a awm lohva mipui in min sawisel luai luai hi kan in en let a ngai a ni a ti. PHED hnathawk ten theihtawp an chhuah lai a ni 1 tui a haw loh avang a sawisel an hlawh thin chu an hnathawh dan an puanzar nasat a ngaih zia tilangtu a nih thu a sawi. Hna tha leh tlo zawng a hma la turin Engeneer te a fuih a chu chuan hmasawnna a thlen tih thu a sawi. Engeneering Deptt hrang hrang hian Co-Ordination in neih hi a pawimawh hle a, Co-Ordination a that chuan PWD in kawng an laih na tui lak na pipe a chhiat vek hma in PHED in an hrilhlawk vek thei a, an laih zawh ah an vuah leh mai thei a ni a ti. Aizawl leh hmun thenkhat ah tui pump lam ah power mamawh a san avang in harsatna a awm thin tih sawi in Co-Ordination a that avang in mipui tan tha tak in tui pump a nih thu a sawi. PHED leh P&E te nen a dawhkan khat kan sawiho chuan hmsawnna mipui in an chhawr ang a ti. Vaivakawn kawng zauh pawh PWD,PHE,P&E leh BSNL te thawhhona a zar ah mipui tan harsatna nasa tak thleng lovin siam zawh a ni a ti.

MESA member hi Engeneering Dept pali PWD,PHE,P&E leh Minor Irrigation bak ah Department dang a engeneer te nen 400 chuang an awm. Nimin chawhma khan Er.Bowman, Vice President, MESA kaihhruaina in Business Session neih a ni a, hetah hian agenda paruk an pass a, chungte chu Engeneering Dept pali a officer te Co-Operation tha a awm theih nan hmalak ni rawhse, Inspection vehicle thar lei nise, Technical Education And Skilled Training Directorate ahrang in awm tawh rawhse, Allocation Of Business chu dik tak a zawm ni rawhse, MES zing a Gov't Secretary hna chelh te Technical Deptt an enkawl ve theih nan hmalak nise, ACP kalpui nise (Mahni nihna ngai EE emaw SDO emaw kum 10 awm tawh an chung chiah a mite hlawh an lak theihna), SDO a kum 10 chin awm tawh te Senior Grade EE hlawh ang a la tur a sawrkar in a siamsak mi 67 kaisan avangin an lawm hle.

He hun ah hian Er.Dunglena, CE.Rtd, Patron leh Er.Lalsawmvela, Adviser te pawhin fuihna thu an sawi bawk.