Hri danna beihpui "Mission Indradhanush" chu Mamit District-ah thlak chhunzawm zel a ni a, 3rd Phase 1st Round zawh tawh niin,2nd round naktuk 7th May, 2016 atang beih chhunzawm a ni ang.

Mission Indradhanush hnuaia hmalak dan leh kalpui zel dan tur thlirhona vawiin khan Mamit Bawrhsap Pi Lalbiaksangi pisaah neih a ni a. Bawrhsap chuan hri danna beihpui thlak a hlawhtlin zel nan phungbawm sawm thiam turin health lam hnathawkte hrilhin, 181Bn BSF te pawn puih an inhuam reng thu a tarlang bawk.

3rd Phase 1st Round-ah hian Mamit District a khaw 35 tuam niin, naupang 464 leh nu naupai 98 hri danna pek tura ruahman a ni a.Heng zingah hian naupang 347 leh nu naupai 89 te hri danna hi pek an ni a.

2nd Roundah chuan khaw 17 tuam a ni anga, naupang 206 leh nu naupai 57 hri danna hi pek tura ruahman a ni.

Hri danna beihpui thlaknaa hlawhtlinna hmuh zel anih avangin khaw tuam chin pawh hi a tlem tial tial a ni. 2nd Phase atang hian hri danna Pentavalent, Bivalent oral Polio Vaccine , DPT Booster, Inactivate Polio Vaccine (IPV)leh measles vaccine pek an ni ang.