Vawiin khan Saikuti Hall, Lunglei ah Mizoram Engeneering Service Association Annual Conference Vawi 36-na Technical Session Pu Vanlaltlana, President MESA kaihhruaina in neih a ni a, Pu S.Laldingliana, Vice Chairman High Powered Committee, Lunglei chu khuallian a ni.

Pu Dinga chuan thu sawi in Engeneering Dept te hna in thawh nasat zia a lang a, heng hnathawh te hi mipui hriat a puanzar a va tha em a ti. Development hnathawh te avang in hmasawnna tam tak a thleng a n. Tunlai Engeneer te chu an hna ah an tui a a sur a sa hnuai ah field ah lut in hna an thawk a an inpekna a sang hle a, tunlai technology mil in hna an thawk tak tak ta a ni a ti. Hmasawnna ruhrel kan State budget atang a tih theih loh Central Scheme ah project siam in hmasawnna kawng hna an thawh avangin ka lawm hle a ni. Thawh ho na tha leh hriatthiamna tha nen a hna in thawh chuan Ram in hma a sawn ka ring ani. Agriculture leh Horticulture scientist ten leilet leh huan ah an luhchilh mek a, tun atang a kum 10 ah chuan buh leh thei ah kan intodelh ngei ka beisei ani. Heng Engeneer te hnathawh te hi mipui ten thinlung nen lo hmuak thei ila a that ka ring. A tichhetu nilo turin mipuite hnen ah zirtirna i pe ang u a ti bawk.

Power & Electricity, PHED, Minor Irrigation leh PWD Department ten Mizoram dung leh vang a hmasawnna hna an thawh te Presentation hmangin an tarlang bawk.

Attachment

  • Loading attachment...