Mizoram sorkar Disaster Management & Rehabilitation Department huaihawtin vawiin khan I & PR Auditorium-ah chhiatrupna thlen thulha zirna in hrang hrangten chet lak an thiam dan tur zirhona neih a ni a, hmarchhak bial changtu National Disaster Response Force mi ten school hrang hrang Principal leh Zirtirtu koh khawmte hnenah chetlak dan tur chipchiar takin an zirtir a, heng Principal leh zirtirtute hian anmahni school theuhah midangte hrilh chhawng leh tura beisei an ni.
He hun hi DM & R Minister Pu Nihar Kanti Chakma chuan thu tawite sawiin a hawng a. Mizoram chu tlang ram chhengchhe tak mihring nuai 10 emaw lek awmna hmun, amaherawh chu mithiamte hmuh dana lirnghin theih maina hmun Zone 5 a awm anih avangin englai pawha inralrin reng a pawimawh thu te, invenlawk tak tak theih anih si loh avanga rikrum thulha chetlak dan erawh zirlawk theih anih thu te, hmun remchang apianga school hawng mai hmun chep leh lawilen harsa tak takah te pawh school nei thlehthluah kan nih avanga hetiang chhiatna a thlen thulhah pawh zirlaite chu a tuartu tam ber an nih loh nan inbuatsaih a pawimawh tak zet thu a sawi a. National Disaster Response Force atanga he hun hmang tur lokalte chungah lawmthu a hrilh bawk.
DM & R Director Pu V. Sapchhunga chuan he hun hi kaihruaiin chhiatrupna thlen thu hla hi sorkar laipui chuan a thil ngaih pawimawhte zing ami a nih dan te, 2005 khan Disaster Management Act duan anih dan te, chhanchhuahna bei tura Battalion 8 lai rampum huapa bun fel anih thu leh hmarchhak state huam turin BSF Battalion 1 Rapid Force atan liau liau Guwahati ah dah an nih thu te a tarlang a. DM & R Minister Pu N.K. Chakma in December 2009 a National Disaster Management Authority, New Delhi a a zuk rawt angin he training hi buatsaih anih thu leh karleh lamah YMA branch hrang hrangte puala buatsaih zel tum anih thu te a tarlang.
DM & R Director Pu V. Sapchhunga chuan he hun hi kaihruaiin chhiatrupna thlen thu hla hi sorkar laipui chuan a thil ngaih pawimawhte zing ami a nih dan te, 2005 khan Disaster Management Act duan anih dan te, chhanchhuahna bei tura Battalion 8 lai rampum huapa bun fel anih thu leh hmarchhak state huam turin BSF Battalion 1 Rapid Force atan liau liau Guwahati ah dah an nih thu te a tarlang a. DM & R Minister Pu N.K. Chakma in December 2009 a National Disaster Management Authority, New Delhi a a zuk rawt angin he training hi buatsaih anih thu leh karleh lamah YMA branch hrang hrangte puala buatsaih zel tum anih thu te a tarlang.
