India hmarchhak bial huapa Sports Stadium changtlung ber ni phak tura ngaih, India Prime Minister ropui tak  Rajiv Gandhi hming chawia siamna tur lung chu March 6 chhun dar 12 hian a thiannu Pi Sonia Gandi, UPA Chairperson chuan a phum dawn ta. He Sports Stadium ruahman mek hi zofa infiammi leh thalaite tan chuan thil nghahhlelhawm leh rotling tak thil a ni dawn a. Chuvangin thalai infiamna lama tui te, infiamna association hrang hranga hruaitu leh member te chuan he lungphum hun hi ngai pawimawha tel vek turin Mizoram Sports Minister Pu Zodintluanga chuan a sawmin a ngen a ni.