340/2026-2027

Dated Serchhip, the 30^th April 2026: Vawiin khan Serchhip District Disaster Management Authority chu an Chairman Bawrhsap Pu Paul L. Khuma hovin chhiatrupna thleng palh thei laka inven dan leh chak zawka hmalak dan tur ngaihtuahin DC Meeting Hall-ah an thukhawm.

Vawiin thutkhawmah hian SDC Pu Vanthangpuia’n Serchhip DDMA ten chhiatrupna hmachhawn dan tura ruahmanna ‘Disaster Management Plan’ an siamte sawi zauna a neih hnuin, sawrkar department hrang hrang – Police, PWD, PHE, P&E ten chhiatrupna thleng thei laka ruahmanna an neihte leh an dinhmun hrang hrangte an sawi a; mipuite leh khawtlang hruaitute nena thawhhona tha zawk a awm theih dan tur te, tun aia rang zawka chanchin inhrilhtawn zung zung theihna a awm theih dan tur te, bungrua (material) indaih lohna awm thei laka inralrinna leh mumal zawka hmanrua (resources) te vawn that leh enkawl dan turte, Logistic Team ten chakzawka hna an thawh theih dan turte sawi ho a ni. 

Chhiatrupna a lo thlen changa mipuite’n sawrkar department an biakpawh theihna turte vawiin meeting-ah hian chhawp chhuah thar leh a ni a, chungte chu:

1. Police: 112 (he emergency nambar – 112  hi Serchhip district chhungah englai pawhin a hman theih reng a, hei bakah hian chhiatna a lo thlenin mahni awmna area-a Police Station te pan theih reng an ni).

2. PWD: 8553098901 (Serchhip Division)

3. PHE: 9612081657 (Control Room)

4. P&E: 9402542662 (Serchhip leh a chhehvel khuate tan) leh 9402542661 (Thenzawl leh a chhehvel khuate tan) 

5. NHIDCL: 7403908888 (Aizawl leh Keitum inkara chhiatna thlengah)

DDMA Chairman Pu Paul L. Khuma chuan chhiatrupna thleng thei lakah department hrang hrangte’n inbuatsaihna tha tak an neih avangin lawmthu a sawi a; khawtlang hruaitu VC, YMA leh mipuite’n tha taka sawrkar an tawiawm thin naah lawmthu sawiin, thawh hona tha tak neihpui leh zel turin a sawm nghal bawk a ni.