Vawiin khan Disaster Management & Rehabilitation Department huaihawtin Agriculture Conference Hall-ah Chhiatrupna thleng thei laka invenna a kaihhnawih department hotute engemaw zat kalkhawmin an sawi hova. National Institute of Disaster Management, New Delhi atangin Associate Professor Pu Amir Ali Khan leh Pu R.K. Mall ten an rawn telpui.
He meeting hi Pu K. Riachho, Secretary DM & R Deptt. in a kaihruai a, thuhma sawiin Central Sorkar-a National Disaster Management Act, 2005 bawhzuiin Mizoram sawrkar pawh rang taka hma la turin min duh a, Mizoram phei chu chhiatna hrang hrang kangmei, thlipui, leimin tuar reng kan ni a. Chubakah lirnghing na tak thlen mai theihna zawn a awm kan ni bawk a, a firfiaka hel ho chetna leh hripui leh mautam tam taka harsatna tuar thut thei kan ni reng a. Chuvangin chhiatna thlen hma a lo in ven lawkna leh a thlen palha rang taka chetlak anih theih nan State Level Crisis Management hrang hrang hmalak tawh nate thlirin awmze nei zawka tanlak thar a tul hle a ni, a ti.
He meetingah hian department hrang hrang hmalak tawhnate an sawiho a, fumfe zawka hmalakna duan chhunzawm zel tha an ti a. A kaihhnawih department te pawh hma nasa zawka la turin an chah a, naktukah hian Orientation Course training a hmun ngaiah buatsaih an tum a ni.
He meetingah hian department hrang hrang hmalak tawhnate an sawiho a, fumfe zawka hmalakna duan chhunzawm zel tha an ti a. A kaihhnawih department te pawh hma nasa zawka la turin an chah a, naktukah hian Orientation Course training a hmun ngaiah buatsaih an tum a ni.
