National Institute of Disaster Management (NIDM), New Delhi leh Administrative Training Institute, Mizoram te tangkawpin an buatsaih karkhat chhung awh tur District Disaster Management Plan siam dan training chu vawiin khan ATI Conference Hall-ah tan a ni ta a. Training-ah hian Mizoram Sorkar leh Central Sorkar deptt. hnuaia Officer thahnem tak an tel. NIDM, New Delhi atangin Dr. KR. Mall leh Mr. Amir Ali Khan, Associate Professor te an lo kal a ni.
He training hawnna inkhawm hi Pu C.Vanlalhruaia, Head Faculty, DM Centre a mi chuan a kaihruai a, Pu K. Riachho, IAS, Director of ATI (Secretary, Govt, of Mizoram Disaster Management & Rehabilitation Deptt. leh Industries ni bawk) chuan hawngin Ministry of Home Affairs hnuaia National Institute of Disaster Management (NIDM) ten Mizorama hetiang training programme pawimawh tak mai an rawn buatsaih chu lawmawm a tih thu a sawi a. Disaster Management-ah hian Sorkar deptt. hrang hrang te hian pawimawhna kan nei hlawm a, kan pawimawh ang a tangkai taka hna kan thawh theihna tur chuan ruahmanna (Plan) tha tak neih a ngai a, chutiang taka Mizoramin kan mamawh tur zirhona hun tha kan neih chu tangkai taka hmang tur leh an thil zirah te thahnemngai turin Officer kalkhawmte chu a chah a ni.
Training-ah hian NIDM atanga lo kalte leh ATI (Disaster Management Centre) a Faculty ten zirtirna an pe thin dawn a, training hian tunkar Zirtawpni thleng a awh dawn a ni.
Training-ah hian NIDM atanga lo kalte leh ATI (Disaster Management Centre) a Faculty ten zirtirna an pe thin dawn a, training hian tunkar Zirtawpni thleng a awh dawn a ni.
