Dt 10.1.2009 tlai dar 4:00 khan Pu S.Hiato, Saiha bialtu M.L.A. leh Minister, Industry, P.H.E etc nibawk chuan Saiha a thleng. Amah hmuahna Circuit House, Saiha-a neih ah thu sawiin Minister chuan amah thlangtu mipuite leh Mizoram Chief Minister Pu Lal Thanhawla hnenah lawmthu a sawi a, Pathianin ram hi a hmangaiha tundin a tum a ni, tiin mipui huapzo sawrkar din a nih tur thu a sawi a, an sorkar chu mirethei, chhumchhia leh hmeithai te huapzo sawrkar a ni dawn a ni a ti bawk. Mahni awmna party te dahtha a sawrkar thawhpui theuh turin mipuite chu a sawm a ni. A sawi zel na ah Minister chuan ram siamthat hna hi step by step a a kal a ngai dawn a, mahni hna theuhte tha tak leh hlawh hmu tlak a kan thawh a ngai a ni, a ti a, mi zawng zawng huap, thlei bik neilo sawrkar siam a nih tur thu a sawi bawk. Lehkhathiam sawrkar hna thawklo te tan Scheme chi hrang hrang siam a nih tur thu leh Saiha Damdawiin sakna tur pawh nawr mek a nih thu a sawi a, Circuit House Saiha leh Government Saiha College sak that hna te pawh hna hmasa a a neih tur thu a sawi bawk. Mirethei te thleng phak tur hmasawnna N.L.U.P. hian Mizoram hi kan tuam dawn a ni a ti a, M.A.D.C. leh L.A.D.C. ah te pawh sawrkarna a inher rem mek zel a, District Council, Mizoram leh Central sawrkar te zaikhata kan luan chuan hmasawnna pawh a kalchak ngei dawn a ni, a ti bawk. Minister hi Pu H.Zothangliana, Parliamentary Secretary, Government of Mizoram in a tawiawm a, a ni bakah Pu M. Kumar E.E., P.H.E., Pu G.Malsawmdawngliana, Joint Director, Industries, Pu H.C.Lalnunzira, S.E., P.H.E. Lunglei leh Pu Saitluanga Dy. Director, Tourism ten an  tawiawm a ni. Minister hian vawiin Dt 12.1.2009 hian a bialchhung a khua Niawhtlang, Lungbun leh Chhuarlung tlangdung te a fangkual leh dawn a ni.