Vawin  khan Saikuti Hall-ah Class-X zirlai te tan Career Guidance SCERT leh DEO Lunglei Bultum in neih a ni a, Pu Joseph Lalhimpuia, Vice Chairman HPC Lunglei chu khuallian a ni.

Pu R.Lalthakima, DEO kaihhruai he programme ah hian Khuallian Pu Joseph Lalhimpuia chuan hetiang hun pawimawh a zirlai te hmaa thusawina hun a nei chu lawmawm a tih thu a sawi a. SCERT nen Kohhran lama carreer awareness an lo neih tawh ah pawh an lo thawhho tawh thin thu sawiin tunah Lunglei Zirlaite hma ngai a hetiang hun an rawn buatsaih leh chu lawmawm a tih thu a sawi bawk. Khuallian hian Zirlai te chu tum mumal tak nei a Pathian tihna nen tumruhna leh rinawmna nen a bei tura fuih in, chu tah chuan hlawhtlinna a awm thin a ni, a ti a. A naupan laia a thil tum chu Sipai Officer emaw Politician emaw nih a tum thin thu sawiin a in rin tawhloh hnu ah a tum chu Pathian zar a a hlen chhuah thu sawiin, Pu Mahima chuan zirlaite chu nun uluk a in vawng thianghlim tlat turin  a chah a ni.

He programmme hi DEO Lunglei leh SCERT te tangkawp buatsaih niin Principal DIET leh Lecturer eng emaw zat ten an tel pui bawk. Lunglei khawpui chhung atangin Class-X zirlai 650 chuan an kal khawm a ni.