Vawiin khan Chhinga Veng Branch MHIP chuan an din champha vawi 40-na Ruby Jubilee an hmang a, Pu Robert Romawia Royte, Sports Minister chuan Khuallian niin a hmanpui.
     
Khuallian Pu Robert Romawia Royte chuan “Mizo kan tlem avang leh Zoram chhungah Hnam dang an pun chak avangin Mizo kan pun chak ve a tul takzet a, MHIP te chu Mizo nupa ten fa tam tak an neih nana hma laa campaign turin a fuih a. Nute chu an pasalte thaibawih chu an tan intih theihna tur chi a ni lo” a ti. Khuallian chuan a bial Aizawl E-II-a MHIP te chu Sorkar hmalaknate tawiawma amah pawh finchhuaha inpawh taka bial hmasawnna atana thawhhopuiah a sawm a ni.

Chhinga Veng Community Hall-a MHIP Ruby Jubilee hmanna hi an President Pi Vanlalruati'n a kaihruai a,  Veng thenawm MHIP Branch te leh Veng chhung NGOs ten an tawiawm tha hle.
       
He hunah hian MHIP ten Chhinga Venga chawimawi tlak mi 3 an thlanchhuah - Pu Robert Romawia Royte, Sports Minister, Er. Lalrinawma, Dy. Speaker leh Nunui Rualhleng, Miss India Top 12 te hnenah Chawimawina an hlan a ni.
     
Er. Lalrinawma, Dy. Speaker, Pi Thankhumi, Chhinga Veng MHIP President hmasa ber leh sawm bik te'n thu an sawi a. Tlai lamah Ruby Jubilee ruai an kilho a ni.

Attachment

  • Loading attachment...