Vawiin khan CEO Pu S.B Shashank chuan chanchinbu mite Election chungchangah kawmna hun Conference Room, Annex-I ah a nei. 

CEO chuan Election Commission of India in a puan angin Ni 28.11.2018 ah Mizoram MLA Election neih tur a ni, a ti a. Vote chhiar hi Ni 11.12.2018 ah neih tur a ni ang, a ti bawk a ni. 

Mizoram District 8 ah Constituency 40 a awm a, Reserved Constituency 39(ST), leh Unreserved Constituency 1, Aizawl East-1 a awm a ni. Polling Station 1164 awmin, sector 139 a awm. Mizoram a elector awm zat hi 768181 niin, EVM Ballot Unit 1859, leh Control Unit 1841 hman a ni ang a, VVPAT 1751 hman a ni bawk ang. Police Personnel 48 coy leh Central Armed Police Force 40 coy te'n venhimna an thawk ang. Polling Station 125 te hi webcasting tur niin, Constituency tina Polling Station pakhat teuh chu Hmeichhia hlang duty na tura ruahmanna siam a ni. Polling Station ah hian taksa lama harsatna nei te'n anmahni tanpui tur volunteer te an lo awm dawn a ni.

Attachment

  • Loading attachment...