Vawiin khan Mizoram Governor Pu Kummanam Rajasekharan chuan Thuampuia Brahma Kumaris Rajyoga Education Centre tlawhin Rajyogini Brahma Kumari Satyawati Didiji piancham vawi 87 lawmna a hmanpui. Rajyogini Brahma Kumari Satyawati Didiji hi Mizoram, Upper Assam, Nagaland leh Arunachal Pradesh ah Brahma Kumaris Director a ni.

Governor chuan Brahma Kumaris ten kum 1937 atangin ram tan hna an thawk tawh a, he movement hmuchhuaktu Dada Lekhraj Kripalani hna chhunzawmin an pawl hian ram tan thil tha tam tak an ti a ni, a ti. Brahma Kumari te hian sik leh sa chhe zel tur ven hna te, mi rethei tanpui te, zirna, hriselna leh kawng dang tam takah khawtlang tana thil tha an thawk tih sawiin Governor Pu Kummanam Rajasekharan chuan hmar chhaka an hotu langsar Rajyogini Brahma Kumari Satyawati Didiji-in kum 87 a nih thlenga ram tana hna a ka thawk chu entawntlak a tih thu a sawi.

Brahma Kumaris pawlah hian hmeichhiaten hmun pawimawh tak an luah a, sakhua mai piah lamah zirna, hriselna lam hawi leh khawtlang nun siamthatna lamah hma an la a ni.

Attachment

  • Loading attachment...