Vawiin khan District Bawrhsap Pu K. Lalthawmmawia hovin D.C Conference Hall, Mamit-ah Mamit District chhunga NLUP Line Department hrang hrangte an thukhawm a, NLUP Chief Media Officer Pu David L. Thangliana’n a telpui bawk. District chhunga NLUP Line Department te hnathawh leh thlen chin te Beneficiaries ti tha leh tha lo te chungchang sawi ho a ni.

Meeting-ah hian Pu K. Lalthawmmawia District Bawrhsap chuan NLUP chu mi rethei zawk ten leirem an rah theihna atana duan a nih angin thahnemngai taka thawh a ngaih thu a sawi a, District chhunga Line Department te chu an hmalakna leh thawhrimna chhuanawm hle a, Mamit chu NLUP-ah pawh a ti tha ber pawl kan nih thu sawiin a lawmawm hle a ni a ti. Thuthar la khawm tute tawiawmna ngenin a vil kawngah pawh theihtawp chhuah a Line department te tawiawm turin a sawm a ni. NLUP Chief Media Officer Pu David L. Thangliana chuan Mamit District chu NLUP tih thatna hmun a nih thu sawiin heng hmalakna hrang hrang te hi phochhuah a tul thu a sawi a, Line Department te inpekna a hmuhin lawmawm a tih thu a sawi bawk.

Vawiin Meeting-ah hian Addl.D.C NLUP Nodal Officer Pi Lalbiaksangi, Mamit District-a Line Department hrang hrangte bakah thuthar thehdarhtute telin thuthar thehdarhtute hian Line Department te hmalakna leh thlen chin te zawtin thawhhona tha zawk an neih theih dan tur te an sawi ho nghal a ni.

Ni 11th -14th November, 2014 chhung hian NLUP Media Unit te chuan Chief Media Officer Pu David L. Thangliana hovin Mamit District-a NLUP hmalakna te enin beneficiaries ti tha te an tlawhchhuak dawn a ni.