Vawiin chawhnu khan Chief Minister Pu Zoramthanga kaihhruai sorkar thara cabinet meeting hmasa ber chu Chief Minister's Cabinet Meeting Room-ah neih a ni a. Council of Ministers te chuan zu lei leh hralh chungchang ngun taka ngaihtuahin an sawiho hnuah sawrkar agency zawng zawng ten zu an zawrh titawp nghal turin thutlukna an siam.

Meeting zawh hian Chief Minister hian  thuthar lakhawmtute kawm zui nghalin, cabinet meeting thutlukna thar hi a puang a. December ni 21 atanga ni 14 hi Dry Day ah puan a ni bawk ang. Private seller te zu zawrhna dan chungchang chu ngaihtuah zui a la nih tur thu sawiin Chief Minister chuan he hmalakna ah hian mitin tawiawmna a ngen nghal a ni.