No.3396/2021-2022

Aizawl the 14^th December,2021 : Chief Minister Pu Zoramthanga hovin vawiin chawhnu khan a pisa ah ram dan kalh a ramri kân a bungraw hrang hrang tawlhruk thin laka hmalak dan tur chungchangah sawihona neih a ni.

Ram thenawmte atanga damdawi, kuhva leh adangte, dan kalh a rawn lut thin chungchang thu ngun taka sawihoin, a țul anga India sawkar nena hmalak theih dan tur kawng zawnga sawikhawmna an nei a. Chiang leh zuala zirna nei turin study group siam a ni dawn.

Commerce & Industry changtu Minister Dr. R. Lalthangliana, Home Minister Pu Lalchamliana, Adviser to CM Pu C. Lalramzauva bakah Home, Finance, Commerce & Industry leh Taxation department hotute he meetingah hian an tel a ni.