No.3397/2021-2022
Aizawl the 14th December 2021: Vote thlak thei tur a kum tling tharte leh zirlai kum 18 tling thar mai turte tan a inthlanna kalphung inzirtirna, Systemic Voters Education & Electoral Participation (SVEEP) kaltlanga buatsaih ‘Voters Awareness Campaign’ chu Vairengte Higher Secondary School-ah zirlai 76-te nen kalpui chhunzawm leh a ni a. He hun hi Pu Hmingthanzuala, Nodal Officer, SVEEP, Kolasib district-in kaihruaiin Pu Timothy R.Lalhmangaiha, BDO, Bilkhawthlirin naupangte zirtirna a pe a ni.
Pu Hmingthanzuala chuan mipui duhthlanna lang chhuak tur chuan India danpuiin a mi puitlinga a ngaih, Kum 18 chinte chuan vote an thlak theih nan a hun tak a Electoral roll-a inziahluh an ngaih pawimawh a tul thu a sawi a, chumi tur chuan ECI inkaihhruaina hnuai a kalphung hrang hrangte kan hriat a, kan zawm a, midangte hnen a E-Roll-a inziahluh leh vote thlak pawimawhnate kawhhmuhtu nih tum theuh turin zirlaite a chah a ni.
Pu Timothy R.Lalhmangaiha, BDO, Bilkhawthlir chuan ram inrelbawlna kawnga Democracy kalphung sawi zauna leh kum tling tawhte tan an duhthlanna nemngheh nan vote thlak a pawimawh zia a sawi a. Kum tling tharte Roll-a inziahluh nana thil pawimawhte, veng emaw khaw danga pem te tan Electoral Roll-a inziahluh that dan turte leh Voter helpline Mobile Application hman dan tur tlangpui hrilhhriatna hun a hmang a. Mitin vote hlut dan a inan vek thu leh Vote chu ngaihtuahna fim leh thianghlim tak chunga thlak thin turin zirlaite chu a fuih bawk a ni.
SVEEP kaltlanga Higher Secondary School zirlaite hnen a ‘Voter Awareness Campaign’ hi ni 13, 2021 khan Bairabiah kalpui tawh niin ni 16, December hian Bilkhawthlirah chhunzawm leh tur a ni dawn a ni.
Attachment
- Loading attachment...
