3056/2022-2023
15.12.2022: Vawiin chawhma khan Chief Minister Pu Zoramthanga leh Numaligarh Refinery Limited (NRL) hotute chuan CM Cabinet Meeting room-ah bamboo processing, a bik takin mau atanga Ethanol (green fuel) siamchhuah chungchang an sawiho.

NRL hi Government of India enterprise, Ministry of Petroleum & Natural Gas hnuaia Public Sector Undertaking niin, meeting-ah hian NRL hmalak tum dan leh Mizoram nen thawhho theihna tur te sawiho a ni a. India ramin energy a intodelh a tumna leh "green fuel" hman uar a tumna tihlawhtlin chu an thil tum a nih thu an sawi.

NRL hmalakna zingah ethanol blending 10% chu India hmarchhak state ah kalpui tum niin, heng hian eizawnna a siam phah tur thu te an sawi. Mau atanga Ethanol fuel an siamchhuah hian paih awm lova mau pum hman tur a nih thu sawiin, lakkhawm awlsam berna tur hmun processing centre atan thlan a tul thu leh plant din na Tyra mamawh hrang hrangte presentation an pe a ni.

Chief Minister chuan an hmalakna chu thil tha tak nia a hriat thu sawiin, survey tih ngai an neih leh thil dangah state sawrkarin a tul chuan a tawiawm zel tur thu a sawi a ni. Heng hmalakna atan hian a tam thei ang ber local mi te chhawr chu tha a tih thu a sawi bawk.

Vawiin meeting-ah hian Planning Board Vice Chairman Pu H. Rammawi, Secretary to CM Pu K. Lalthawmmawia, Planning & Programme Implementation Secretary Pu Lalmalsawma Pachuau, Principal Adviser cum Addl. Secretary Dr. Lalrinchhana, Horticulture Department Director Pu C.H. Lalmuanpuia leh officer dangte an tel bawk a ni.