3057/2022-2023
Siaha; the 15th December,2022: Vawiin chawhma dar 10:00Am atang khan Pi Lalnunmawii,Addl.DC kaihruaina hnuaia, DC office,SP Office,DTO office, LAD;MADC leh Road Transport Dept;MADC te tang kawp chuan Siaha khawpui chhunga kawngpui te dipdal leh nekchep a nih dan an en fiah.

Tahrik ni 28th July,2022 khan Siaha khawpui chhunga kawngpui kam/sira Insakna chakkhai, Dawr bungrua etc.dah te thenfai beihpui Road Clearance Drive lo neih tawh a ni a.
Tunlai hian In sak hun leh Krismas Bazar Runpui hun a lo thlen leh hian kawng dipdal zawnga Insakna chakkhai leh Dawr bungrua dah an awm tan leh a hriat a ni a.Kawngpui nekchep zawnga sumdawng inpho te, lirthei park lo na tura park thin te pawh an awm ni a hriat a nih avangin, vawiinah hian Siaha Town Traffic Management Committee te chuan kawngpui en fiah hna hi an kalpui leh a ni.

Vawiin kawngpui enfiahnaah hian Insakna leh Dawr bungrua kawngpui sir dahtu te, Sumdawng kawngpui nekchep zawnga inpho te, Lirthei park lohna hmuna park te chu warning pein, en thlak zui an nih tur thu leh dan an bawhchhe leh a ni chuan an chunga dan anga, hremna chelek a nih tawh tur thu an hrilhriat nghal zel a ni.

Naktukah pawh kawngpui en fiah hna hi kalpui chhunzawm tum a ni.