No.69/2021-2022

9.4.2021: Tukin khan Chief Minister Pu Zoramthanga hovin Aviation Committee chuan Lengpui Airport leh a chhehvela hmalakna hrang hrangte a hmunah chipchiar takin an enfiah. Heihi March ni 31, 2021 meeting-a site visit hna nei tura an lo rel tawh bawhzuina a ni.

Special Central Assistance (SCA) atanga sum hmuh (Rs. 15.87 cr) hmangin airport terminal building thawm that hna thawh niin, departure lounge chu 80% zo tawh anga ngaih a ni a, arrival lounge pawh 60% zawh tawh-a report a ni. North Eastern Special Infrastructure Development Scheme (NESIDS) atanga sum hmuh (Rs. 19.59 cr) hmanga hnathawh mek zingah terminal building luhna elevated road leh departure ramp pahnih siam te, baggage make up area, centralised air condition, internal electrification, conveyor belt leh a dangte a tel a ni.

Aviation Committee hian Airport-a isolation parking bay siam an thawh mek te, parallel drain te, runway bula culvert siam te, security personnel CRPF awmna tur building sak mek te, airport terminal building chawmtu tur tui dahkhawlna siam mek leh pawna canteen siam te chu an en bawk a ni.

Chief Secretary Pu Lalnunmawia Chuaungo, Additional Chief Secretary Pu JC Ramthanga leh committee member dangte bakah PWD leh PHED thawktute tukin hian an tel a ni.