453/2023-2024

Aizawl, 15.05.2023: Chief Minister Pu Zoramthanga hovin vawiin khan CM Conference Hall ah Aizawl West Bypass road siam tur chungchanga ngaihtuah ngai te sawihovin an thukhawm. Revenue Minister Pu Lalruatkima pawh a tel a ni.

He meeting-ah hian Aizawl tlak lam, Sihhmui atanga Muallungthu panna kawng siam tur chungchanga hmalak ngai hrang hrang sawiho a ni. Kawng siam tur hi 44.8 kms bawr vel a thui a ni a. He kawng siam turah hian sawrkar laipui chuan National Highway a nih loh avangin ram compensation pek tur sum a ruahman tello a. PWD Secretary hovin kawng in a tan tlang tur ram neitute nen pawh inbiakna a kal mek tawh a ni.

Vawiin meeting-ah hian Finance Commissioner leh Planning & Programme Implementation Secretary te, Public Works Department leh Land Revenue and Settlement Department official te an tel a ni.