12/2022-2023
Aizawl the 1st April, 2022: Chief Minister Pu Zoramthanga hovin vawiin khan Bamboo Link Road Board leh Bamboo Development Board chu CM Conference Hall ah hmalakna awm tawh leh hmathlirte sawiin an thukhawm.

Vawiin meeting-ah hian bamboo link road siam tura ruahmanna siam tawh leh, a bik takin pilot project atana lo identify tawhte chu chiang zawkin board pahnih hmaah PWD lamin an sawifiah a. Union Budget 2022-2023 pharh taka PM-DevINE Scheme hnuaia Bamboo Link Road pilot project atan cheng vbc 100 sawrkar laipui atanga lo kal tur thlir chungin leh, hemi chungchanga DoNER hotute nen meeting lo neih tawha an thurawn atanga hmalak zui zel dan tur tha nia an hriat te sawiho a ni.

Vawiin meeting-ah hian Bamboo Link Road Board Vice-Chairman Pu Ramthanmawia leh Bamboo Development Board Vice Chairman Dr. K. Pachhunga, Adviser to CM (Tech) Er. K. Lalsawmvela, Addl. Chief Secretary Pu JC Ramthanga leh member dangte kim takin an tel a ni.