3672/2024-2025

Dated Aizawl, the 3rd January, 2025: Tukin dar 10 khan Chief Minister Office chuan kum thar inhlan tharna hun CM Conference Hall-ah an hmang a. Chief Minister Pu Lalduhoma chuan a telpui.

Pu Lalduhoma chuan, kum khat chhung tluang takin hna kan thawkho ta a, thawktute in felin in thawkrim tih ka hmu, ka lawm hle a ni. Kan la thawkho zel dawn a, inpawh takin, chhungkua angin engkim kan ti tlang dial dial thin dawn nia. Hna a tam avangin office hunbi pelin kan awm tam a, kan tlan dawr dawr a, programme a tam thin hle bawk a. Heng hi Delhi vela an thawh thin dan tho a ni a, keini pawhin kan tihtheih lohna tur bik a awm chuang lo. Tin, eng hna mah hi hniam bik a awm lo va, sawrkarin a mamawh vanga a lak vek kan ni a, kan eizawnna tura Pathian min pek a ni. Kan awmna hmun theuhva tha taka kan thawh hian a lo zahawm mai a ni, tiin a chah. Lawmthu leh fuihna thu a sawi bakah hian Pathian thu chhiarin tawngtaina a nei bawk.

Thawktuten an ngaimawh zawng sawina an nei a. Chief Minister hian Cake a zai a, hlim takin an eiho.