831/2025-2026

Aizawl the 11th June 2025: Vawiin khan Chief Minister Pu Lalduhoma hovin a office-ah The Mizoram (Grant of Governor's Award) Scheme 2025 leh The Mizoram (Grant of Chief Minister's Excellence Award) Scheme 2025 chungchang te an sawi a. Home Minister Pu K. Sapdanga leh official pawimawh te an tel.

Mimal leh pawl, chawimawi tlak ten an phu ang ngeia chawimawina an dawn theihna tur scheme an ni a. Governor Award hi Republic Day-a sem tur leh Chief Minister Award hi Chapchar Kuta sem chhuah tura ruahman a ni. Chief Minister Award hi civilian Award anga kalpui a ni ang a, Governor Award hi sawrkar hnathawkte (officials) pual a ni ang. A kalpui dan tur chipchiar hi tihfel thuai a ni ang.

Meetingah hian Pu Khilli Ram Meena, Chief Secretary bakah Home Department, GAD, DP&AR, Finance leh Law & Judicial thuneitute an tel a ni.