Tukin khan Chief Minister Pu Zoramthanga chuan Hunthar Veng a lei tla hniam siamtha tura Public Works Department leh Disaster Management & Rehabilitation department te hmalakna a en. Bialtu MLA Pu C. Lalmuanpuia pawh a tel a ni.

He lei tla hniam in kumtin mipui tan harsatna a thlen thin sukiang tura hmalakna chu thuang thum a kalpui a ni a. Kawngpui NH-54 chunglam zawng chu Disaster Management and Rehabilitation department hmalakna in Pile foundation leh SDA sak te, drainage, retaining wall, shaft well siam leh adangte thawh tura duan a ni a. National Disaster Management Authority atanga sum hmuh hmanga hmalak a ni.

Kawng thlang lam zawng chu state sum hmangin PWD hmalakna in counterfort retaining wall siam hna thawh tan a ni a. Heng bakah hian Vaivakawn lui leh Biak In lui ah link drain siam tura hmalak a ni bawk.

Chief Minister hi tukin hian PWD leh DMRD a hotute leh khawtlang hruaituten an tawiawm a ni.