Vawiin khan Mamit DC Office Chamber-ah Dr Lalrozama, IAS District Bawrhsap kaihruaina-in Mamit District chhunga Coronavirus laka invenna kalpui mek chungchang thlirho a ni.

Meeting-ah hian Mamit District chhunga coronavirus laka mipuite kan himna tura ramdang/ hmundang atanga inkalpawhna kawng thenkhat khar mekah harsatna a thlen thu hriat a ni lo a, heng hmunah te hian mipui mimirte tana harsatna awmlo thei ang ber tura kalpui tum a ni. Kanhmun Check point ah pawh nimin khan Medical Team, Kanhmun Police, MVI leh NGO aiawhte duty-in mi 30 endik an ni a, Motor 56 checked a ni bawk a. Natna kai emaw rinhlelh emaw hmuh an ni lo a ni.

Mizoram Sawrkar thu angin Kanhmun Check Point paltlang theih hun chhung hi zing dar 9 atanga tlai dar 5 thleng hun hawn a ni dawn a. Tun dinhmunah Mamit khawpui chhung dawr hrang hrangah mipui mamawh ei leh in dinhmun a tha pangaia, Mamit District chhunga Godown hrang hrangah buhfai duhthusama chhekkhawl niin. Ration buhfai pawh Addhar Card Digitazation avanga tlema sem tlai deuh chu tunkar chhunga sem theih a ni ang.

Dr Lalrozama, District Bawrhsap chuan tunhnaia khawvel ram hrang hranga hrileng mek coronavirus laka inven chu kan tihmakmawh anih rualin, chiaina tur leh thlaphan chiamna tur a nih loh thu a sawi bawk.