1244/2023-2024

Dated Aizawl, the 24^th July, 2023:  Vawiin khan Chief Minister Pu Zoramthanga kaihhruaiin a pisaah Kaladan Multi Modal Transit Transports Project kawngpui compensation chungchang relin official pawimawhte an thukhawm.

Meeting chuan he International Highway pawimawh tak, India Act East hmalakna hnuaia thawh hi hawn a nih thuai theih nan zangnadawmna dawngtu tur dik takte hnena zangnadawmna pe chhuak thuai tura Ministry of Road Transport & Highway-a Chief Minister hminga DO lehkha ziah ni se an ti a. Ministry in hriat belh duh a neih apiangte pawh a ranglama hrilhhriat zel ni se an ti a ni.

Kaladan Multi Modal Transit Transport Project kawngpui laih vanga zangnadawmna dawng thei tur finfiah hi chhungkaw 138 an awm mek a ni.

Meeting-ah hian Pu C. Lalramzauva, Senior Advocate, Adviser to Chief Minister, Pu Navin Kumar Choudhary, IAS, Principal Secretary bakah Environment, Forest & Climate Change Department, Government of Mizoram a official pawimawh te an tel a ni.