DIRECTORATE OF INFORMATION & PUBLIC RELATIONS, Government of Mizoram, India

1245/2023-2024

Vawiin khan State Oversight Committee on Prisons & Other Closed Settings chu Principal Secretary, Health & Family Welfare leh Committee Chairman ni bawk Pi Esther Lalruatkimi kaihhruaina hnuaiah SAD Conference Hall, MINECO-ah thukhawmin thla hmasa June, 2023 chhunga Mizorama Jail leh Home, etc. hrang hrangah ‘Integrated STI HIV TB HEPATITIS (ISHTH)’ Campaign an thlak zawh tak chungchang Report ngaihthlak leh bawhzui zeldan tur sawiho a ni.

Committee Chairman Pi Esther Lalruatkimi chuan Mizorama Jail leh Home hrang hrangah te ISHTH Campaign thla khat chhungin hlawhtling taka neih a ni thei ta chu a lawmawm hle a, chutihrual chuan Jail leh Home-ah te HIV leh Hepatitis C kai an tam em em mai hi ngaihven zui zel a pawimawh hle a ni a ti. Jail tawt lutuk hian natna inkaichhawn ti awlsamin, medical check-up neih leh damlote inenkawl uluk pawh a tiharsa hle tih a sawi.

Mizoram atan ISHTH Campaign hi June ni 1, 2023 khan Health Minister Dr. R. Lalthanglaina hova khuhhawnna (official launch) neih a ni a, thla 1 chhungin he Campaign hi Aizawl bakah district hrang hrangah ngawrh taka kalpui a ni. Vawiin meeting-a MSACS Jt. Director (Prevenion) Pi Betty Lalthantluangi’n ISHTH Campaign Report-a a tarlan danin a zavaiin Jail - 10, Home, etc. (Govt) - 13, Observation/Special Home (Private) - 22 tlawh chhuah a ni a; Health Camp vawi 78 neih a ni bawk. ISHTH Campaign Mizoram rampum data chu a hnuaia mi ang hi a ni :

ISHTH Campaign Mizoram Data
Name of the service available		Screened	Male	Female	Total
1	No. of individuals covered during ISHTH Campaign		2095	507	2602
2	No of screening (HIV, HEP B,C,TB,STI)		10158	2415	12573
3	HIV Reactive	1885	61	11	72 (3.8%)
4	HIV confirmed positive	72	61	9	70 (3.7)
5	Presumptive TB	2602	318	66	384 (14.75%)
6	TB confirmed positive	384	3	0	3(0.1%)
7	Syphilis Reactive	2361	29	6	35 (1.48%)
8	STI diagnosed	2069	74	49	123 (5.9)
9	Hepatitis B Reactive	1822	58	6	64 (3.5)
10	Hepatitis B (HBsAG) Viral load done		2	0	2 (3.1)
11	Hepatitis C Reactive	1828	754	86	840 (45.9%)
12	Hepatitis C (Anti HCV) Viral load done		100	0	100 (11.9%)
13	General Health check up		1356	134	1490 (57.2%)
14	Antenatal check up			6	6

ISHTH Mizoram Data
Linkage to treatment		Total Positive	Male	Female	Total linked
1	HIV	70	35	4	39
2	Hepatitis B	64	0	0	0
3	Hepatitis C	840	0	0	0
4	TB	3	3	0	3
5	STI	123	69	48	117
6	Syphilis	35	15	1	16

Vawiin ISHTH Campaign Oversight Committee meeting-ah hian MSACS, Health, Prison, Social Welfare, Women & Child Development, I&PR Department-te leh NGO pawl hrang hrang aiawhte an kal a ni.

Meeting hi MSCAS Project Direcor Dr Lalthlenglian in lawmthu sawina nei in a khar a ni.

Attachment