1833/2026-2027

Aizawl the 18th August 2026: Nimin tlai lam khan Mizoram Bharat Scout & Guides State President Pu Lalduhoma hovin Mizoram Bharat Scout & Guides State Council te chu an thukhawm a, an hmalaknate report an ngaihthlak bakah state Vice President an thlang.

Mizoram State Bharat Scouts & Guides hmalakna hrang hrangte report ngaihthlak a ni a, hmachhawpte pawh an sawiho a. Kum 2026 atanga 2031 inkara State Vice President turte ruatna an nei bawk. Bharat Scouts & Guides danah state Vice President hi 12 a neih theih a, Mizoramah hian an dinhmun (office/nihna) atanga ni sa pathum an nei a, vawiinah hiam midang paruk (6) an ruat belh a ni.

Vice President atana an ruat tharte chu:

Pi Laldingliani, Pi Boihchhingpuii, Dr. Varparhi Khiangte, Pu C. Lalhmingthanga, Pu K. Lalthawmmawia leh Pu Malsawma Pachuau te an ni.

Vice Patron pahnih an ruat thar bawk a, chungte chu:

Rev. Dr. CL Hminga, Lunglei leh Dr. Tintlunga Hnialum, Lawngtlai te an ni.

Thu sawiin Chief Minister chuan, Scouting & Guiding hlutna chu thangthar tha zawk din tura hmalakna hi a ni a. Kan ramah hian Infrastructure lian tak tak te, Institution ropui tak takte din mah ila, a hmangtu leh a chhawrtu tur mihringte zawk kha kan hmantlak loh chuan hmasawnna kawng dik kan zawh dawn lo va. Kan thalaite hi tha taka kan buatsaih erawh chuan kawng dik tak kan zawh tihna a ni. Naupang leh tleirawlte character, discipline, leadership leh service spirit siamtu kan ni a. “Be Prepared” tih thupui hmangin an dinchhuahna tur leh midangte ṭanpui tura inpeih turin kan zirtir a. He hmanraw hmang hian naktuka kan ram awm dan tur kan tuk mek a ni.

Mizoram Bharat Scout & Guide-te thawh that vang liau liauin, in aiawhin, nikum November ni 28 khan Lucknow-ah Silver Elephant Award ka zuk dawng kha a ni a. Kha lawmman ka dawn niah pawh khan, “He lawmman hi keima mimal thawh that vanga ka dawn a ni lo va, Mizoram BSG-te leh Mizo mipui, tlawmngaihna leh midangte tana inpekna thinlung nei tlatte vanga a ni” tiin ka sawi nghe nghe a. A lawmnate pawh buatsaih kan tum dawn nia, a ti.

He State Council-ah hian Henry C. Lalrawnkima, State Chief Commissioner leh memberte an kal tha hle a ni.