1832/2026-2027

Dated Khawzawl, the 17th August, 2026 : Vawiin khan Khawzawl Addl. Deputy Commissioner Pu K. Zorammuana chuan fur ruahtui tlak avanga National Highway-06 Seling leh Champhai inkar kawng chhe lai thawmthat hna thawh mek chu a hmunah tlawhin a enfiah.

Kawng siamthat hna a ennaah hian Addl. DC chu NHIDCL hotu leh contractor-ten lo dawngsawngin, an hnathawh an lo hrilhfiah a. Hna thawktu contractor-te chu tha tak leh chak zawka thawk turin a chah.

Mipui veivakten harsatna an tawh loh nan kawng diak zual lai leh leimin thenfai a ni a. Tuivawl lei thlen hma kawng chhe lai chu thalah concrete-a siamthat tura ruahman niin, kawng khuar laite pawh hnawha thawmthat tum a ni. Kawng siamthat hna hi a hmun ngeia kala endik zel tum a ni.