1834/2026-2027

Saitual, the 18th August, 2026: Vawiin khan DC Conference Room, Saitualah, Pu Tharun Patnaik, SDO (S) kaihhruaiin District-Level Joint Action Plan on Prevention of Drugs and Substance Abuse among Children and Illicit Trafficking Committee chu ruihhlo laka naupangte venhim dan tur relin an thukhawm.

Vawiin thutkhawmah hian member-te chuan kawng hrang hranga an hmalaknate an thlirlet a, ruihhlo thatlohzia inzirtirna “awareness programme” hi school-ah leh hmun hrang hrangah vawi engemaw zat neih a ni tawh a, school zawng zawngah Anti-Drug Club din vek a ni bawk. Line department-te chu an ruihhlo do kawnga an hmalaknate leh case ziahlut zat te chhinchhiah thar ‘update’ a ngaih avangin August ni 21, 2026 hmaa thehlut tura tih an ni.

Naupang kum tling lote ruihhlo laka venhim an nih theih nan kum 2025 khan District-Level Joint Action Plan on Prevention of Drugs and Substance Abuse among Children and Illicit Trafficking Committee chu din a ni a, hemi committee kaltlang hian hmalak dan tur- Joint Action Plan te siam a ni.