1835/2026-2027

Lawngtlai, the 18th August, 2026 : Vawiin chawhma dar 11:00 AM khan Bawrhsap Pu Donny Lalruatsanga kaihhruaiin District Level Nasha Mukt Bharat Abhiyan chuan DC Conference Hall- ah thutkhawm an nei.

Pu Donny Lalruatsanga chuan member kalkhawmte hnenah lawmthu a sawi a. Nasha Mukt Bharat Abhiyan- chu Ruihhlo that loh zia inzirtirnna (Awareness) campaign lam hawi niin Centrally Sponsor Scheme a ni a, sum pawh hi 'Ministry of Social Justice & Empowerment' atanga dawn a nih thu sawiin kumin atan cheng nuai 6 sanction a nih thu a sawi a. NMBA kaltlanga Lawngtlai District chu  'Drug Free District' a nih theihna tura  hmalakna kal zelah kumin Independence Day - ah 'Drug Free Village' a puante Citation hlanna neih niin, Drug Free Village - hi kalpui mek zel niin, Village Council 188-ah hian khua  engzat nge 'Drug Free Village ' a  in puang ngam tih thlir mek zel reng a ni,  a ti. Drug Free Project -  hi 'Action plan base'  a kalpui a ni a, NGO, School, Block Level, Kohhran leh Sport Association - ah te Awareness - kalpui thin a ni, a ti. Bawrhsap chuan tun dinhmunah Sawrkar, Police, Excise, CYLA, MHIP, LWA, VC leh Kohhran te inkarah thawhhona tha tak a awm tiin, hma lam hunah pawh tha taka thawhho zel a beisei thu a sawi bawk.

Thutkhawmah hian District Level NMBA hnuaiah 'Action Plan' mumal tak siam ni se, Deputy Commissioner's Office lam in 'Action Plan' hi lo siam se tih a ni a. Drug Free District - kalpui mekah Drug Free Village kalpui chhunzawm zel ni se, nakum Febuary ah Ruihhlo ngaite puala Camping neih tura ruahmanna neih sa bawhzui ni se an ti a. Commercial Driver,  School leh Kohhran thalaite zingah Awareness Campaign' neih ni se,  Ruihhlo Do kawnga inzirtirna uar zawka kalpui turin Kohhran tinah ngenna siam ni se tiin, OSD pek dan leh pek chhuah danah fimkhur a tul tiin,  Medical Superentindent lam in lo bawhzui se tih a ni. Anti Tobbacco Squad - te pawh tan la thar tura ngen ni se, thlatin vawi -1 tal 'Anti Tobacco Drive' nei tura ngen ni se an ti bawk a ni.

Vawiin thutkhawmah hian Lawngtlai District Level Nasha Mukt Bharat Abhiyan Member - te an tel kim tha hle a, Bawrhsap chuan lawmthu sawiin thutkhawm a khar.