Mizoram Road Fund Board chuan meeting hmasa ber nimin khan Chief Minister Office's Conference Hall-ah neih a ni a. Board Chairman, PWD changtu, Chief Minister Pu Lal Thanhawla chuan a kaihruai a ni.

Chairman chuan Board member meetinga telte chu lo lawmin, meeting hmasa ber a ni a la zir chho zel tur an nih thu a sawi a. Pu K.Lalsawmvela, Project Director, PIU, PWD in Powerpoint Presentation hmangin Road Fund chungchang hrilhfiahna a nei a. Board ina thil tum a neihte leh a dinchhante sawihona neih a ni. Motor kawngpui te hi a siam nan leh a enkawlzuina sum, central leh state sorkar atanga hmuhte hi a tlem tham avangin chak zawka kalpui anih theih nan, Road Fund Act 2007 leh World Bank in a phut angin sum tam zawk hmuh theihna tur dap turin Road Fund Board hi din a ni a. Tunah hian PWD changtu Minister chu chairman a ni a, vice chairman ah Chief Secretay, member secretary ah PWD Secretary & E-in-C niin, sorkar hotu liante leh association atangte in member 12 an awm bawk a ni.