Nimin tlai khan Rural Development Minister Pu R. Lalzirliana hovin Parliamentary Secretary Pu Lalrinmawia Ralte leh RD Department officer-te Secretariat Conference Hall, New Secretariat Complex-ah an thukhawm.
Pu R Lalzirliana chuan ram mipui 70% vel thingtlanga cheng an nih avangin thingtlang mipui tana hmasawnna hnathawh chu ram pum hmasawnna bul pawimawh tak a ni, a ti a. Rural Development hian ei leh bar zawnna kawnga hmasawnna piah lamah khawtlang nun leh hnam nunzia thlenga chawikanna a keng tel tlat a, RD Department hnuaia scheme hrang hrangte hi ram leh mipui tana hmasawnna thlen theitu, ram mipuite rilru thleng pawha siam tha theitu a nih avangin thawktute taimakna leh thahnemngaihna a pawimawh a. Mipui rawngbawltu an nih avangin officer ten sawisep an kai a thiang lova, a dawrtute tana nelawm tak zahawm tak si, rintlak leh rawntlak an ni tur a ni, Minister chuan a ti a. An Department hnuaia hnathawh reng reng quality tha tak a nih theih nana vil uluk turin leh mipui hma a an hnathawh pholang tam tur te, Department website pawh a tlawhtu tana rawntlak anih theih nan update tha turin a hriattir a. Plan leh estimate an siam te sum sanction na atan chauh nilo, ram hmasawnna thlen ngei thei tura bawhzuitlak siam thin turin leh DPR siam thiam tak tak tur pawha inzir zel turin a chah a. Mahni hma zawn theuhah rinawm leh taima taka thawka, khawtlang leh ram hmasawnna tur dah hmasa chunga an kawng daltu harsatna huaisen taka paltlang ngam turin Pu R. Lalzirliana chuan RD Department officer te a fuih a ni.
Parliamentary Secretary Pu Lalrinmawia Ralte pawhin thusawiin Mizoram hmasawnna hna tam tak hi an tih that duh leh duh lohah thui tak a innghat a ni tih hria a rinawm leh taima taka thawk turin leh sorkar ban rinawm, mipui sorkar kengkhawngtu ni fo turin RD Department officer te chu a chah a ni.
Rural Development Department Secretary Pu K. Riachho chuan meeting hi a kaihhruai a, RD Department hnuaia an hnathawh hrang hrang thlir letna leh hmalak zel dan tur sawihona hun an hmang a ni.
Parliamentary Secretary Pu Lalrinmawia Ralte pawhin thusawiin Mizoram hmasawnna hna tam tak hi an tih that duh leh duh lohah thui tak a innghat a ni tih hria a rinawm leh taima taka thawk turin leh sorkar ban rinawm, mipui sorkar kengkhawngtu ni fo turin RD Department officer te chu a chah a ni.
Rural Development Department Secretary Pu K. Riachho chuan meeting hi a kaihhruai a, RD Department hnuaia an hnathawh hrang hrang thlir letna leh hmalak zel dan tur sawihona hun an hmang a ni.
