474/2023-2024

Aizawl, 17.05.2023: Mizoram Road Fund Board chu vawiin khan CM Office Conference Hall-ah board chairman PWD changtu, Chief Minister Pu Zoramthanga hovin an thukhawm.

Meeting-ah hian kum 2022-23 chhunga Road Fund Board in kawng leh lei siam hnathawhna tur a lo pawm tawh atanga hna thawh te thlirletna neiin, kum 2023-24 chhunga sum hmanna tur chu chhawpchhuah a sawiho a ni bawk a. Normal maintenance, maintenance action plan, PMGSY road maintenance, bridge maintenance leh monsoon damage atan cheng nuai 4000 chhawpchhuah chu pawm a ni.

Mizoram Road Fund Board hnuaia kum 2021-2022 chhunga revenue lak tlingkhawm chu a vaiin Rs.4,82,74,512 a ni a. Hengte hi traffic fine te, petrol leh diesel chhiah te, minor minerals (balu, lung, etc) atanga royalty hmuh te leh forest produce atanga royalty hmuh tlingkhawm a ni.