Mizoram Smoke Free Group Meeting vawi khatna chu Chairman leh Chief Minister ni bawk Pu Lal Thanhawla hovin vawiin chawhma dar 11 khan CM Conference Hall ah neih a ni a, Ministers te leh Officials bakah NGO leh Kohhran hruaitute an kal tha hle.

Chairman Pu Lal Thanhawla chuan kum 20 kalta atanga mei zuk that loh zia Mizoram-a mi thahnemngai ten an lo kalpui tawh chu a tirah mitenbengkhawn vak lo mah se tunah chuan mipui kan than harh tawh thu lehmei zuk that loh zia kan hriat tlan tawh thu te a sawifiah a, hmalaknatur erawh tam tak a la awm a ni, a ti.

Health Minister Pu Lalrinliana Sailo Vice Chairman chuan vaihlothatlohzia zirtir tura thawktu te thawhrimna ah lawmthu a sawi a, kum tina sorkar hnathawkte medical reimbursement bill atana senso chu cheng vaibelchhe 50 zet a tlin thu leh chuta natna 70 % chu  cancer anih thu a tarlang a, mei zuk chu cancer natna thlentu bera ngaih a nihavangin nasa zawka kan do zel a tul a ni, a ti.

He Meeting ah hian Dr Rana J.Singh, Technical  Adviser, The International Union Against Tuberculosis and Lung Disease chuan Smoke Free Mizoram Project chungchanga hmalak dan leh dinhmunte a sawifiah a, Project tum ber chu mei zu lo te chanvo humhalha mitin tana boruak thianghlim vawn a nih thu te a tarlang a. Nikum April ni 1-a tan tawh niin kum hnih chhunga Mizoram chu Smoke Free State-a siam an tum thu a sawi lang bawk.

Meeting ah hian vaihlo khuahkhirhna dan chak zawka kalpui dan tur te,zirna hmun vela vaihlo chi hrang hrang zawrh khapna dan kenkawh dan tur te, vaihlo chingtute tana eizawnna kawng dang dapsak chungchangteleh vaihlo bika chhiah tihsan chungchang te an sawiho a, Mizoram bika harsatna tawh dan te leh sutkian dan turte an ngaihtuah ho bawk a ni.