Vawiin khan Chief Minister Pu Lal Thanhawla hovin Mizoram State Olympic Association (MSOA) Exective Meeting, MOA Pisa Khatla ah neih a ni a. MOA in ngaihtuah tura thu an chhawpchhuah engemawt an sawiho a ni.

Vawiin meeting hian kum tin June 23 zingkara Olympic Run neih thin chu sikul kai hun tih hma a nih tak avanga harsatna a awm theih thu sawi lan niin kalphung thar ngaihtuah turin Sports Minister Pu Zodintluanga, Senior Vice President, MSOA ni bawk kaihhruaina hnuaiah Committee din rel a ni.

Rio Olympics 2016-a observer kal dan tur ngaihtuah a ni a, Indian Olympic Association (IOA) chuan State Olympic Association-te observer anga tirh a tum tawh lova, amaherawh chu State tinte kalna senso tur cheng nuai 3 theuh a pek atangin kal theih dan tur ruahmanna siam nise tih an rel a. Hockey Mizoram-in Mizoram State Olympic Association-a member nih an dilna chu pawmsak a ni.

Mizoram State Olympic Association-ah hian Chief Minister Pu Lal Thanhawla chu President a ni mek a, Sports Minister Pu Zodintluanga chu Sr.Vice President niin Parliamentary Secretary (Sports) Pu Hmingdailova Khiangte chu Vice President a ni bawk.

MSOA-ah hian Sports Association 16 an awm mek a ni.