3871/2023-2024

Dated Aizawl, the 17th February, 2024: Vawiin khan Mizoram State Resource Mobilisation Committee te chu an Chairman Pu Lalduhoma, Chief Minister hovin CM Meeting Room ah an thukhawm a. An hmalak dan turte an sawiho.

Chief Minister chuan, sawrkar hmasaah khan Resource Mobilisation Department anga din tumna a awma. Mahse sum leh pai renchem a ngai a, department thar din lam aiin a awmsa te pawhkhawm (amalgamate) hial hi kan rilruah a awm zawk a. Committee anga kalpui theih nia a lan avangin kan kalpui ta zawk a ni. Sawrkarin sum leh pai hnar tam zawk a neih theih nana hmalakna tur awm te kan dap dawn a. Tunah pawh stamp duty lamah bul kan han tan a, India rama stamp duty la hniam ber te zinga mi ni chungin tlema tihsan hlek a ni. Inrenna lam te, sawrkar hnathawkte rel felna te, Disinvestment lam te, outsourcing lam te, chhiah hmuhbelh theihna te leh a tul anga administrative reforms thlengin kan hma chho dawn a. Kan kal chak theih nan sub-committee insiam te pawh a tha hial ang. Thutkhawm vawi khatna hi inhmelhriatna atan kan hmang ang a. In rawtna lo lut tawh te leh lo la lut turte chu meeting dawtleh agenda ah kan dah nghal dawn nia, a ti.

Vice Chairman Pu Haukhuma Hauzel leh Member Secretary Pu Ramchuana ten vawiin thlenga hma an lak tawh te an sawi a. Chumi hnuah member ten hmalak theihna awm nia an ngaih thilte inpawh tlang takin an sawiho a ni.