Vawiin khan Chief Minister Pu Lal Thanhawla hovin Chief Secretary’s conference room-ah NLUP chhunzawmna tur project pawimawh te thlir ho a ni a. Finance Minister Pu Lalsawta leh State Planning Board Vice Chairman, Pu H.Liansailova te bakah Chief Secretary Pu Lalmalsawma IAS, Pu P.L.Thanga Vice Chairman NIB, leh sorkar officer pawimawh dang te an tel.

He meeting ah hian kum 5 chhunga NLUP kalpui leh na tura hmalakna tur pawimawh zualte thlir ho a ni a. UN Agency hrang hrang te leh Sir Ratan TATA Trust te nen NLUP hnuaia hmalakna kal mek te thlir hovin NLUP hmanga ram hmasawnna hna kalpui chhunzawm zel turin Agency tam zawk, North East Region Livelihood Project(NERLP), IFAD, JICA leh German Development Co-operation (KFW) te nena thawh hona tur ruahmanna siam te chu chak taka bawhzui ni se, tiin Chief Minister hova meeting chuan an rel a. State plan hnuaia Mizoram sorkar sum dinhmun leh Central sorkar funding pattern rawn siam thar thlir chungin project kalpui chhunzawm tura ruahmanna kalpui dan tur pawh sawi ho a ni a. Vawiina sawihona atangin ruahmanna chipchiar zawk duang tura meeting neih leh thuai rel a ni.

Attachment

  • Loading attachment...