1973/2026-2027

Aizawl, 28 August 2026: Chief Minister Pu Lalduhoma hovin vawiin khan CM Conference Hall-ah project proposal hrang hrangte thlirho a ni a. Pu TBC Lalvenchhunga, Adviser to CM bakah Planning leh Finance official pawimawhte an tel.

Central Scheme PM-DevINE, NESIDS (Road), NESIDS (OTRI) leh NEC hmanga thawh tura an project proposal-te chu department pasarih Public Works Department (PWD), Power & Electricity Department (P&E), Urban Development & Poverty Alleviation Department (UD&PA), Commerce & Industries Department (C&I), Public Health Engineering Department (PHE), Health & Family Welfare Department (H&FW), Irrigation & Water Resources Department (I&WRD) ten sawifiahna an nei a. An project proposal-te an ngaihpawimawh dan indawt an thlen nghal zel bawk a ni.

Chief Minister chuan kan allocation neih zat tur kan la hre lo deuh va, kan hriat ve leha kan thawhnghal tur project lo neih lawk a, kan ngaihpawimawh dan indawt lo siamsa a tul a, vawiina kan sawi bakte pawh a tul anga project proposal han siam belh a la tul thei a ni, a ti. Department ten Mizoram hmasawnna tur project tha tak tak an neih thin avangin an chungah lawmthu a sawi a ni.