1972/2026-2027 

Dated Khawzawl, the 28th August, 2026 : Vawiin khan District Level Task Force on Child Labour, Khawzawl District chu Sub-Divisional Officer (SDO) Pu Chandrakant Bagoria kaihhruaiin DC Conference Hall, Khawzawlah an thukhawm.

Vawiin thutkhawmah hian NCPCR huaihawt Pan-India Rescue Rehabilitation 4.0 Khawzawl District-a kalpui a nih dan thlirho niin, Task Force feh chhuahnaa hmun hrang hranga kum tlinglo naupang hna thawka chhawr hmuh chhuahte chungchanga hmalak dan tur rel niin, naupang kum tling lo hna thawka chhawr hi danin a khap thu inhrilhhriatna (awareness) neih dan turte sawiho a ni.

India Danpui chuan naupang kum 14 chin hnuai lam chu sikul kal lo emaw sikul kal theih loh phah emawa hnathawka chhawr a khap tlat a. Tleiral/rawlthat kum 14 – 18 inkarte chu hnathawka chhawr phal an nih rualin, zan dar 7 atanga zing dar 8 inkara chhawr phal an ni lova, an nuunna leh hriselna atana pawi thei (hazardous occupation) hmuna chhawr khap an ni.