1971/2026-2027 

Dated Khawzawl, the 28th August, 2026 : Vawiin khan Khawzawl District Narco Coordination Centre (NCORD) chu August thla atan an Chairman, Khawzawl Bawrhsap ni bawk Pu K. Vanlalthiana kaihhruaiin DC Conference Hall, Khawzawlah an thukhawm.

Vawiin thutkhawmah hian NCORD thutkhawm hmasaa thurel bawhzuinate ngaihthlak a ni a. August 8, 2026 khan Cod-Narc chuan Satellite OST Centre, Zuchhip-ah Oral Substitution Therapy (OST) la mekte nen inkawmna hun buatsaihin, Khawzawl SP Pu F. Lalbiakzauva chuan fuihna thu a sawi a. August 21, 2026 khan Excise & Narcotics leh District Child Protection Unit (DCPU) tangkawpin Khawhai-ah ruihhlo do chungchang awareness campaign an nei a, naupang 200 chuang an tel a ni.

Khawzawl District Addl. SP Pu Zosangliana chuan ruihhlo do kawnga hmachhawp hrang hrangte leh Special Drive for Narcotic Control hnuaia hmalakna tura ruahmante a sawi a. Tun hnaiah Khawzawlah drugs lei tur a van avangin OST la an pun thu ngaihthlak niin, Police leh Excise te thawhrimna avangin supply a tlem thu sawi a ni a. Ruihhlo do Awareness Campaign neih zel tur niin, September thla hian Kawlkulhah khawtlang huapin programme buatsaih tura rel a ni.