No.6449/2020-2021

Vawiin khan Chief Minister Pu Zoramthanga hovin CM Conference Hall-ah sawrkar hotuluten Mizoram leh Assam inrinaa boruak muanawm a awm theih na tur leh harsatna sut kian dan tur an ngaihtuah.


Chief Minister ho hian ramria harsatna awm avanga Mizoram lut tur lirthei Assam a tangkhang mek an lo luh theihna tura hmalak dan tur sawiho a ni a. Assam State chhunga Mizoram motor leh bungraw phur tangkhang te a rang thei ang bera hruaichhuah dan tur ngaihtuah niin, hmalak dan tur an ruahman. Tun dinhmunah Assam state chhunga Mizo motor tangkhang leh Mizo te an him thu sawi niin, thlamuang taka an awm zui zel theihna tur leh an him zel theihna turin hmalak zel a ni a. Mizoram chhunga lirthei tangkhang te pawh ei tur an nghei lohna turin hmalak zel a ni bawk.

Sawrkar laipuia Ministry of Home Affairs chuan Assam ah Central Armed Police Force SSB rawn dah tura ruahmanna siamin, Mizoramah hian hun reilo te BSF dah tum a ni bawk a. Hei hi Mizoram sorkar nen an cham chhunga an innghahna tur ngaihtuah tur niin, DIG Northern Range in an awmna tur ruahmanna a siampui ang.

Vawiin meeting-ah hian hian Deputy Chief Minister Pu Tawnluia, Home Minister Pu Lalchamliana, Food, Civil Supplies & Consumer Affairs Minister Pu K. Lalrinliana, School Education Minister Pu Lalchhandama Ralte, Information & Public Relations Minister Pu Lalruatkima leh Serlui bialtu MLA Pu Lalrinsanga Ralte te bakah Chief Secretary Pu Lalnunmawia Chuaungo, Addl. Chief  Secretary Pu JC Ramthanga, Home Secretary, DGP leh IGP pahnihte an tel a ni.

Attachment

  • Loading attachment...