Mizoram State ICDS Mission Steering Group chu vawiin khan a tum khatna atan Chief Minister Pu Lal Thanhawla hovin a office Cabinet Room-ah Central sorkar pawmpui tura thehluh tur, Annual Programme for Implementation Plan sawihoin an thukhawm.

The Integrated Child Development Scheme (ICDS) hi kum 2013- 14 chhung hian tih chak leh siam that a ni a. Hetianga siam that leh tih chak anih tak avang hian Mission Mode a kalpui tawh tura ruahman a ni.

Annual Programme Implementation Plan thehluh tur hi Central sorkarin a pawm anih chuan central sorkar vekin Rs.90 Crore a tum anga, Mizoram State in Rs.10 Crore a tum a ngai ve thung dawn a ni.

Meeting-ah hian Pu P.C.Lalthanliana, Minister of State for Social Welfare, Pi L.Tochhawng, Chief Secretary, Pu Ranbir Singh, Secretary, Social Welfare, Pu Lalram Thanga, Principal Secretary to Chief Minister, Pi Esther Lalruatkimi, Health Secretary leh official dangte an tel a ni.