Chief Minister Pu Lal Thanhawla hovin vawiin chhun dar 12 khan Tourist Lodge ah State Level Workshop on NLUP neih a ni a, heta tel tur hian MLA te, tlawmngai pawl hrang hrang hruaitute, Kohhran hruaitute, MJA te, mithiam leh khawtlanga mi langsar rual te sawm an ni.
State Level Workshop on NLUP hi NLUP Implementing Board Chairman Pu R.Selthuama'n a kaihruai a, sawihawnna hun hmangtu Nodal Minister Pu Liansailova chuan NLUP chu State Programme, mipui ta a nih ang taka mithiam leh mi pawimawh rual ten sorkar hmalak dan te an hriatpuia an hriatchian nan Workshop chu buatsaih a nih thu a sawifiah a, NLUP chu pawisa sem / dawn lam ringawt nilovin rim taka thawha hlawhtlinpui tur zawk a ni, a ti.
Khuallian Chief Minister Pu Lal Thanhawla chuan programme ngaipawimawha lo kal zawng zawngte hnenah lawmthu sawiin tun thlenga NLUP chungchanga sorkar hmalak dante an hmuh dan leh ngaihdante tlang taka sawi chhuak turin a sawm a. NLUP chu Mizorama kut hnathawktu, mahni khamkhawp pawh thawk chhuak thei tawh lo, mi harsa te chhanchhuahna tura hmalakna a nih thu tarlangin a sum tam lam aiin a hlawhtlinna chu sorkar chuan a ngaipawimawh zawk a ni, a ti. NLUP chuan eizawnna ngelnghet siamsak mai bakah ramngaw leh nungcha chereu mekte humhalha, ngai an lo awh leh theih nana hmalakna a huam tel thu a sawifiah a, NLUP chu Sorkar Laipui pawhin min tuipui a, India ram pum entawn atan Mizoram chu min hman an tum a ni, a ti. Baseline Survey neih zawh tak atanga a lan dan chuan Chhungkua 120000 chu rahbi tuksak ngai an awm a, khawpui ah pawh hian mi harsa tak tak, mahni ram pawh nei lo chhawmdawl ngai tam tak an awm thu a sawi lang bawk. Tun sorkar kumah sorkar laipui chuan vaibelchhia 243 min dahsak a, a hlawhtlin ngei kan duh avangin kan la sem lo mai a ni. District tinah DC hova Implementing Committee din a nih tawh thu te, Village Level ah pawh buaipui tu tur indin a ni a, Working Group din te pawhin hma an lak chhoh mek thu te a sawi lang bawk. Haulawng tlangdung ah pawh an inpeih tawh avangin thlai chi te sem tan a ni tawh a, tun atanga reilote ah thawh chhoh tak tak a nih tur thu a tarlang. NLUP chu Delhi lamah a lar hle a, multi-national company te pawhin hma rawn lak duhin min dawr mek reng a, mahse an mamawh anga tam thlai/thei kan thar thei leh si lo hi tan kan lakna tur chu a ni, a ti. Mithiam leh mi pawimawh kalkhawmte chu an thlir dan leh rawtna te tlang taka sawia Mizoram khaichhuah nana NLUP chu hlawhtling taka kalpui a nih theih nan thawhpui ah Pu Lal Thanhawla chuan a sawm bawk a ni.
Workshop ah hian Pu P.L.Thanga, IAS(Rtd), Vice Chairman, NLUP Implementing Board chuan power point presentation hmangin NLUP tobul, a thiltum te, ruahman chhoh dan leh sorkar laipui bawhzui dan te a sawifiah a, kalkhawmte chuan sawihona hun tha tak an hmang zui bawk.
State Level Workshop on NLUP hi Chief Minister bakah Nodal Minister Pu H.Liansailova te, Home Minister Pu Lalzirliana te, Parliamentary Secretary te leh MLA ten an hmanpui bawk a ni.
Khuallian Chief Minister Pu Lal Thanhawla chuan programme ngaipawimawha lo kal zawng zawngte hnenah lawmthu sawiin tun thlenga NLUP chungchanga sorkar hmalak dante an hmuh dan leh ngaihdante tlang taka sawi chhuak turin a sawm a. NLUP chu Mizorama kut hnathawktu, mahni khamkhawp pawh thawk chhuak thei tawh lo, mi harsa te chhanchhuahna tura hmalakna a nih thu tarlangin a sum tam lam aiin a hlawhtlinna chu sorkar chuan a ngaipawimawh zawk a ni, a ti. NLUP chuan eizawnna ngelnghet siamsak mai bakah ramngaw leh nungcha chereu mekte humhalha, ngai an lo awh leh theih nana hmalakna a huam tel thu a sawifiah a, NLUP chu Sorkar Laipui pawhin min tuipui a, India ram pum entawn atan Mizoram chu min hman an tum a ni, a ti. Baseline Survey neih zawh tak atanga a lan dan chuan Chhungkua 120000 chu rahbi tuksak ngai an awm a, khawpui ah pawh hian mi harsa tak tak, mahni ram pawh nei lo chhawmdawl ngai tam tak an awm thu a sawi lang bawk. Tun sorkar kumah sorkar laipui chuan vaibelchhia 243 min dahsak a, a hlawhtlin ngei kan duh avangin kan la sem lo mai a ni. District tinah DC hova Implementing Committee din a nih tawh thu te, Village Level ah pawh buaipui tu tur indin a ni a, Working Group din te pawhin hma an lak chhoh mek thu te a sawi lang bawk. Haulawng tlangdung ah pawh an inpeih tawh avangin thlai chi te sem tan a ni tawh a, tun atanga reilote ah thawh chhoh tak tak a nih tur thu a tarlang. NLUP chu Delhi lamah a lar hle a, multi-national company te pawhin hma rawn lak duhin min dawr mek reng a, mahse an mamawh anga tam thlai/thei kan thar thei leh si lo hi tan kan lakna tur chu a ni, a ti. Mithiam leh mi pawimawh kalkhawmte chu an thlir dan leh rawtna te tlang taka sawia Mizoram khaichhuah nana NLUP chu hlawhtling taka kalpui a nih theih nan thawhpui ah Pu Lal Thanhawla chuan a sawm bawk a ni.
Workshop ah hian Pu P.L.Thanga, IAS(Rtd), Vice Chairman, NLUP Implementing Board chuan power point presentation hmangin NLUP tobul, a thiltum te, ruahman chhoh dan leh sorkar laipui bawhzui dan te a sawifiah a, kalkhawmte chuan sawihona hun tha tak an hmang zui bawk.
State Level Workshop on NLUP hi Chief Minister bakah Nodal Minister Pu H.Liansailova te, Home Minister Pu Lalzirliana te, Parliamentary Secretary te leh MLA ten an hmanpui bawk a ni.
Attachment
- Loading attachment...
