Mizoram Armateur Boxing Association (MABA) chu Mizoram Boxing Association (MIZBA) tih a thlak a ni ta a, an ni hian Mizoram chhunga Boxing Championship Programme hetiang hian an duang chhuak : -
1)    28th Mizoram Open Boxing Championship 2010 chu Kolasib ah September 7-11, 2010 hian neih a ni dawn.

2)    Mizoram Invitition Boxing Championship chu Venghnuai Aizawl-ah October 19 - 23, 2010 hian neih a ni ang.

3)    32nd Mizoram State Boxing Championship 2010 chu Aizawl-ah neih tur a ni.

4)    District Boxing Championship, District hrang hrangah February 2011 chhungin neih tur.

5)    7th Mizoram Inter-District Boxing Championship-cum-A.G.B. Meeting chu March 2011 ah Aizawl-ah neih tum a ni bawk.

Tunah hian MIZBA hma lakna in Mizo Boxer te India ram hmun hrang hrangah an awm mek a, chungte chu Youth ah Lalbuatsaihi, Krosshmangaihsangi leh Rebecca Lalinmawii, SAI vek te chu Trivandrum ah. Junior (W) Vishakapatnam-ah Lalenkawli, Vanrammawii, T.C. Lalremruati leh Lalruatfeli SAI a mi vek te chu an camp bawk a, Junior (M) ah Laldinmawia, SAI chu Shilaro, Himachal Pradesh ah a camp mek.

Youth Boxer Lalbuatsaihi chu India aiawh tur zingah thlan niin Turkey kal tura tih a ni a, Junior Boxer Lalenkawli leh Vanrammawii te pawh India aiawh in Switzerland kal tura thlan an ni.